Na slědach Serbow
Sorben erleben
< zurück     Station 18 /44     weiter >
Na slědach Serbow přez Budyšin
Dom ratarstwa

W Domje ratarstwa měješe něhdy Arnošt Bart-Wujězdźanski swoju młynsku pjekarnju. W zadnich rumnosćach zeńdźechu so prawidłownje serbscy antifašisća.

Mjeno hasy je pokazka na bywšu wjesku Hošic při slepej hasy (Gosczic oder Goschicz). W lěće 1359 so Budyšinej zarjadnisce přirjadowa. Hakle we 18. lětstotku pomjenowachu bywši puć jako Hošic hasu. Slědy serbskich stawiznow namakaja so dźensa hišće w tutej měšćanskej štwórći. Pódla stareje póštownje, na fasadźe doma čisło dźewjeć, je dźensa hišće rozprochnjene nadpismo „Dom ratarstwa“ widźeć. W tutym twarjenju měješe něhdy Arnošt Bart-Wujězdźanski swoju młynsku pjekarnju. Přewažnje židowscy wobydlerjo města tu hač do deportacije nakupowachu. Mnoho Serbow, tak tež Jan Skala, słušeše do kruha wopytowarjow. Prawidłownje wopytaštaj tež Jurij Słodeńk a Jan Arnošt Holan wobchod. Po času wuwi so pjekarnja k wažnej informaciskej městnosći. W tutym času zeńdźechu so kóždu sobotu serbscy antifašisća w zadnich rumnosćach. Mjez nimi běchu tež sympatizanća domowinskeho hibanja. W lěće 2018 rozsudźi Załožba za serbski lud staru póštownju w susodstwje kupić. Serbski institut, Serbska biblioteka a archiw změja tu w přichodźe swój nowy domicil. Mehr

< zurück     Station 18 /44     weiter >