Na slědach Serbow
Sorben erleben
Start > Na slědach Serbow přez Budyšin > Budyske měšćanske dźiwadło
< zurück     Station 2 /44     weiter >
Na slědach Serbow přez Budyšin
Budyske měšćanske dźiwadło

Stejnišćo Budyskeho měšćanskeho dźiwadła běše na Žitnych wikach w Budyšinje. W lěće 1969 historiske dźiwadłowe twarjenje rozbuchnychu.

Posledni pokiw na bywše stejišćo Budyskeho měšćanskeho dźiwadła da Dźiwadłowa hasa, kotraž zwjazuje Bohatu hasu a nakupowanski centrum při Žitnych wikach. Na arealu dźensnišeho nakupowanskeho centruma so w lěće 1796 něhdyše měšćanske dźiwadło dotwari. Po naćiskach sakskeho dwórskeho molerja so bywša bašta při nutřkownej měšćanskej muri k dźiwadłu přetwari. W běhu wjacorych lět slědowachu dalše přetwary. W lěće 1905 dósta twarjenje po dalšich twarskich akcijach charakter małeho „hrodoweho dźiwadła“ z něhdźe 655 městnami. W samsnym času instalowachu tež Rietschelowe swisle, kotrež su dźensa hišće w Dźiwadle na hrodźe widźeć. Swisle debichu do toho tež Drježdźanske dwórske dźiwadło. Město Drježdźany pak je pozdźišo Budyšinej dari. W lěće 1948 nasta z lajskeho dźiwadłoweho hibanja prěnje serbske powołanske jewišćo. Tute wužiwaše rumnosće w měšćanskim dźiwadle pak jenož za zarjadnistwo a proby. Serbske ludowe dźiwadło předstaješe swoje inscenacije přewažnje w hosćencach Hornjeje Łužicy. Jeničke dwurěčne powołanske dźiwadło Němskeje załoži so w lěće 1963 w rumnosćach měšćanskeho dźiwadła. W lěće 1969 historiske dźiwadłowe twarjenje dla njedosahacych techniskich wuměnjenjow rozbuchnychu. Mehr

< zurück     Station 2 /44     weiter >