Tu bydleše Arnošt Muka w poslednim wotrězku swojeho žiwjenja. Wón běše aktiwny prócowar za serbske patriotiske zaměry.
Na Weigangowej dróze při domje čo. 16 namakamy taflu k wopomnjeću Arnošta Muki. Jako syn burskeje swójby narodźi so wón srjedź 19. lětstotka we Wulkim Wosyku pola Porchowa. Po swojim gymnazialnym wukubłanju studowaše na uniwersiće w Lipsku teologiju, filozofiju a slawistiku. Ke kóncej 19. lětstotka přistajichu jeho na Budyskim gymnaziju. Budyske wyšnosće přesadźichu jeho, dla aktiwneho angažementa za serbske patriotiske zaměry, do Kamjenicy. Pozdźišo skutkowaše při Albertinumje w Freibergu, hdźež jeho k profesorej powołachu. Na kóncu 19. lětstotka běše na wotewrjenju „Serbskeje etnografiskeje wustajeńcy“ w Drježdźanach rozsudnje sobu wobdźěleny. Z tym połoži sobu zakładny kamjeń za zběrku Serbskeho muzeja. Jako pensionar so Muka do Budyšina wróći a bydleše hač k swojej smjerći na Weigangowej dróze čo. 16. Mehr