Tu dopomina tafla k česći wučerja, spisowaćela, ludowědnika Jana Radyserba-Wjele. Wón běše sobuzałožer wědomostneho towarstwa „Maćicy Serbskeje”.
Při twarjenju na róžku Karla Liebknechtoweje dróhi 2 k Tuchorskej dróze dopomina tafla na Jana Radyserba-Wjelu. W tutym domje bydleše jedyn z najproduktiwnišich a popularnych serbskich spisowaćelow 19. lětstotka. Swoje dźěćatstwo a młodźinski čas dožiwješe wón we wokolinje Budyšina. Na prěnim wučerskim wustawje w Budyšinje absolwowaše swoje wukubłanje jako wučer. Pozdźišo přisłušeše k załoženskemu wuběrkej wědomostneho towarstwa „Maćicy Serbskeje”. W nakładnistwje towarstwa wuda wjetši dźěl swojich twórbow. W lěće 1950 załožena serbska pěstowarnja na Friedricha Engelsowym naměsće w Budyšinje nosy k česći wučerja, spisowaćela, ludowědnika a małobyrgarskeho demokrata Jana Radyserba-Wjele jeho mjeno. Mehr