Krajnoradny zarjad wokrjesa Budyšin
Prěni krajny rada bě Serb dr. Jan Cyž. Wón bě sobuzałožer po wójnje znowa załoženeje Domowiny.
Sydło krajnoradneho zarjada wokrjesa Budyšin je napřećo Serbskemu institutej na Dwórnišćowej dróze. Twarjenje bu jako „Dom hornjołužiskich stawow“ z Krajnostawskej banku (Landständische Bank) na spočatku 20. lětstotka natwarjeny. Hornjołužiski prowincialny wopon nad portalom zachoda pyšeše hižo předchadźace barokowe twarjenje na Hrodowej hasy. Prěni krajny rada bě Serb dr. Jan Cyž. Wón bě sobuzałožer po wójnje znowa załoženeje Domowiny a nawjedowaše tež ćišćernju Noweje Doby. Na žurli krajnoradneho zarjada wotměwaja so dźensa hdys a hdys koncerty ze serbskej sinfoniku a na chódbach su tam a sem tež wustajeńcy serbskich tworjacych wuměłcow widźeć. Mehr
